Kryeministri Edi Rama ka folur nga Vlora lidhur me marrëveshjen e detit që sipas tij nuk do dhe nuk mund të kalohet pa miratimin e presidentit Meta. Sipas Ramës gjithçka që po thuhet në media është një ngatërresë e nisur nga deklarata e ish-presidentit grek, dhe në çdo rast marrëveshjet duhet të konsultohen dhe me presidentin shqiptar. Por Rama nuk ka thënë asgjë në rast se Greqia do të vendosë në mënyrë të njëanshme për të realizuar pretendimin e saj për zgjerimin me 12 milje. “Nuk mund të ketë një marrëveshje për detin me Greqinë pa miratimin e presidentit Meta. Është prisidenti ai i cili e firmosë marrëveshjen dhe më pas presidenti që ka mundësine ta dërgoj dhe apeloj në gjykatën kushtetuese. Një deklaratë ngatërresë e ish presidentit grek ka bërë që e gjithë situata të ngatërohet por në këtë situatë nuk ka asgje të vërtetë. Nuk mund të behet asgjë pa miratimin e presidentit dhe kushdo që i ha këto gjëra është thjesht trupeshk.
Nuk ka patur shtrëngim duarsh mes meje dhe presidentit Meta sepse s’na i lejon covidi”, ka thënë Rama. Rama ka komentuar dhe mungesën e opozitës në festimet për 100 vjetorin e luftës së Vlorës, ku sipas tij politika shqiptare ka çfarë mëson nga kjo ngjarje historike. “Politika shqiptare ka shumë për të marrë e për të mësuar nga luftëtaret e Vlorës dhe nga dëshmorët e atdheut. Mungesa e opozitës? Unë s’jam këtu për të marrë mungesat se kush vjen apo kush mungon”, u shpreh Rama.
