Lënda eksplozive e vendosur në afërsi të Pallatit të Kulturës në qytetin e Vlorës ka plasur në mënyrë të kontrolluar pas 3 orësh. Pikërisht forcat xheniere kanë bërë të mundur këtë shpërthim të kontrolluar dhe situata është e normalizuar për momentin. Ende e paqartë është sasia e tritolit që shpërtheu pak më parë.
Kujtojmë që kanë qenë banorët e zonës që kanë lajmëruar policinë dhe menjëherë uniformat blu kanë krijuar një perimetër sigurie deri në ndërhyrjen e ekspertëve. Vendi ku ndodhej pakoja e dyshimtë u rrethua menjëherë, në mënyrë që të largoheshin banorët që ndodheshin aty. Fatmirësisht nuk pati lëndime në njerëz, që për fatin e tyre të keq mund të ndodheshin aty edhe rastësisht.
