Ministrja e Shëndetësisë dhe Mbrojtjes Sociale, Ogerta Manastirliu ka publikuar një album me foto të ekipit të ri të mjekëve dhe infermierëve, të cilët i janë bashkuar betejës kundër armikut të padukshëm COVID-19.
Ministrja ka vlerësuar përpjekjet e të rinjve të cilët me guxim dhe kurajo po luftojnë në vijën e parë të betejës me COVID, duke i cilësuar ata frymëzues edhe në kuadër të ditës së sotme, ditës së rinisë.
‘’Jam krenare për ekipin e ri të mjekëve dhe infermierëve, që me guxim e kurajë të pamatë i janë bashkuar përpjekjeve të jashtëzakonshme të stafeve tona në vijën e parë të betejës me Armikun e Padukshëm covid19 në spitalet dhe strukturat e shëndetësisë, në këtë kohë të pazakontë. Të rinj frymëzues, dita e rinisë’’, thotë Manastirliu.
