Dy aksidente automobilistike kanë ndodhur mëngjesin e sotëm në Elbasan. Fillimisht një automjet tip “Fuoristradë” ka dalë nga rruga në aksin Elbasan-Peqin. Aksidenti ka ndodhur në orët e para të mëngjesit të sotëm në fshatin Vidhas, ku mjeti ka përfunduar i përmbysur në anë të rrugës.
Nuk dihet nëse ka të lënduar nga aksidenti. Për pasojë, drejtuesi i mjetit ka marrë lëndime të lehta. Dyshohet se shkak i aksidentit është bërë lagështia në rrugë.
Ndërsa aksidenti i dytë është regjistruar në aksin nacional Elbasan – Librazhd në fshatin Mirakë. Dy makina janë përplasur me njëra – tjetrën ku mbetën të plagosur dy persona.
Ata u shoqëruan menjëherë në spitalin e Elbasanit ku mësohet se janë jashtë rrezikut për jetën. Nga ekspertiza e policisë dyshohet se shkak i këtij aksidenti është bërë lagështira në rrugë e krijuar nga reshjet e shiut.
