Kantautori i njohur Elton Deda ka reaguar sot me një tjetër mesazh, pas vendimit të një dite më parë, ku me akt normativ, u vendos mbyllja e diskove, lokaleve të natës me muzikë dhe ndalimi i muzikës pas orës 20:00, si masë kufizuese në situatën kritike që ka marrë përhapja e koronavirusit në vend.
Me nje shënim në faqen e tij në Facebook, Elton Deda kërkon shfuqizimin e atit normativ, që ai e cilëson te çuditshëm.
Mesazhi i Elton Dedës
Reflekto or mik sa nuk eshte vone. Mos jua mbyll shqiptareve te derrmuar ate dritaren e zbehte qe u jep pak kenaqesi. Ka plot forma qe mos ti rrenosh muzikantet e bashke me ta gjithe zinxhirin e biznesit. Shfuqizo ate aktin e cuditshem dhe bej nje te ri ku shtrengon masat.
Ti do thuash “jemi keq si komb e s’marrim vesh”…por ta garantoj qe keshtu nuk do marrim vesh jo per inat, por sepse po shkojme drejt nje grope te madhe. Sa me shpejt madje. Miqesisht, nje pjese e armates te denigruar prej 5 muajsh.
