Koronavirusi i ka marrë jetën bashkëshortëve nga Korça,Thanas dhe Loreta Broka. Mësohet se çifti prej dy javësh ndodhej në intubim në spitalin e Korçës, ndërkohë që nuk kanë mundur ta mposhtin dot virusin, duke mbyllur sytë mbrëmjen e djeshme njëri pas tjetrit. Thanas Broka njihej në qytet si person që ka mbajtur poste publike. Më herët ai ka qenë kreu i PBDNJ në Korçë dhe ish-prefekt në Berat.
Kujtojmë se situata e Covidit në vend është në një pikë kritike, ku numri i infektimeve është rritur në mënyrë galopante gjatë 2 javëve të fundit. Rritje ka pësuar gjithashtu dhe numri i viktimave, vetëm gjatë 24-orëve të fundit kanë ndërruar jetë 19 qytetarë. Ministria e Shëndetësisë ka bërë të ditur se nga 2505 testimet e kryera ditwn e djeshme, kanë rezultuar pozitivë me koronavirus 744 persona. Aktualisht, në 3 spitalet COVID po trajtohen 455 pacientë, 21 në terapi intensive, 7 pacientë janë të intubuar.
