Një 38 vjeçar, përkatësisht, roje i spitalit të Sarandës, është qëlluar ditën e sotme me sende të forta gjatë një konflikti të çastit.
Policia e qytetit bregdetar ka shpallur në kërkim autorin e plagosjes, shtetasin E. C., 33 vjeç, banues në Sarandë, ndërsa i plagosuri, Fatri Mullaj ndodhet në spital në gjendje të rëndë.
“Specialistët për Hetimin e Krimeve të Komisariatit të Policisë Sarandë shpallën në kërkim shtetasin E. C., 33 vjeç, banues në Sarandë, pasi dyshohet se mëngjesin e sotëm, pas një konflikti të çastit, për motive të dobëta, ka goditur me sende të forta shtetasin F. M., 38 vjeç, roje i spitalit të Sarandës, i cili ndodhet në spital, nën kujdesin e mjekëve”, njofton Policia.
