Kuvendi Kombëtar i thirrur nga Komisioni i Rithemelimit do të zgjedhë nesër Këshillin e ri Kombëtar të PD-së. Drejtoresha e Komunikimit të Komisionit të Rithemelimit, Floriana Garo tha se deputetët dhe kryetarët e rinj të degëve do të jenë anëtarë të Këshillit Kombëtar për shkak të posteve që kanë.
Në listë bie në sy edhe kandidimi i Bleona Qeretit. Gjithashtu vihet re edhe rikthimi i figurave të vjetra të PD-së, ish-deputetë, por edhe artistë, mjekë, etj. Arben Imami, Aleksandër Biberaj, Ardian Isufi, Bujar Kapexhiu, Dasho Aliko, mjeku Ilir Alimehmeti, Glauk Olldashi, Julian Deda, etj janë në listën e gjatë të kandidatëve.
