Një biznesmen ka rënë në prangat e policisë së Elbasanit, pasi akuzohet se u ofronte qytetarëve ndërtime pa lejë kundrejt parave. Në pranga ka rënë 44-vjeçari Sulejman Shahini, pronar i një firme ndërtimi në Elbasan. Biznesmeni u arrestua nga seksioni i krimeve ne komisariatin e policisë së Elbasanit.
Prej gjashtë muajsh policia e kishte nën hetim me metoda speciale dhe zbuloi se ky person në emër të firmës së ndërtimit që kishte prej vitesh në Elbasan, u premtonte pronareve të bizneseve ndërtimin pa leje të objekteve apo qytetarëve që kërkonin të ndërtonin shtëpi pa leje.
44-vjeçari Shahini kishte lidhje te forta edhe me zyrtare te INUV në bashkinë e Elbasanit nëpërmjet te cilëve u premtonte qytetareve ndërtimin e banesave apo bizneseve pa leje kundrejt shumave që shkonin nga 3 deri në 5 mijë euro. Shahini akuzohet për veprën penale ‘ndërtim i pa ligjshëm’, ‘Dhënie ndihme për ndërtim të pa ligjshëm’ dhe , ‘Fshehje e të të ardhurave’. /BW
