Një ngjarje e rëndë ka ndodhur në orët e vona të pasdites së djeshme në Frati di Camaiore, ku një shqiptar ka humbur jetën. Mediat italiane bëjnë me dije se një punëtor nga kompania Ceragioli Costruzioni në Camaiore humbi jetën pas një aksidenti që ndodhi teksa po transportonte një ekskavator me traktor.
Bëhet fjalë për 43-vjeçarin me origjinë shqiptare, i identifikuar si Roland Çizmja, baba i tre fëmijëve.
Sipas hetimeve paraprake punëtori kishte marrë një ekskavator nga kompania dhe po e transportonte me një traktor, kur rreth orës 18:00, ndodhi tragjedia.
