Ende pa filluar shkolla, një mësuese dhe një sanitare rezultojnë pozitive me covid në Fier

Sipas Inspektoriatit të Shëndetit Publik pas testit të kryer ka rezultuar pozitive një mësuese dhe sanitarja e shkollës 9-vjeçare “Naim Frashëri” në Fier.Testi është kërkuar që të kryhet nga vetë personat e infektuar pasi u  janë shfaqur simptomat të virusit. Sipas drejtorisë vendore të Arsimit në Fier të dy personat e infektuar janë vetëkarantinuar dhe duke qenë se ende nuk janë hapur shkolla, nuk ka rrezik për transmetimin e virusit. Për drejtorinë e Arsimit në Fier mësohet se nuk do të ketë një vendim për mos hapjen e kësaj shkollë në datën 14 shtator, ndërsa po ndiqen për personat e infektuar procedurat e parashikuara nga ISHP.