Profesori në Universitetin Johannes, Sucharit Bhakdi ka hedhur poshtë teoritë e izolimit duke thënë se është zgjidhja më e keqe dhe më shkatërruese për shoqëritë. Shkencëtari dhe epidemiologu austriak këmbëngul se “mbyllja” e shoqërive dhe ngrirja e veprimtarive shoqërore dhe ekonomike çojnë në kushte shumë më të këqija deri në pasoja katastrofike.
Sipas tij, numri i personave që do të ndërrojnë jetë nga tragjeditë financiare do të jetë shumë më i lartë se i atyre të Covidit. Përfundimi kryesor i asaj që ai argumenton është si vijon: Bllokimi dhe politika e përhapjes së frikës dhe terrorit kolektiv janë rezultat i një vendimi politik dhe jo ai mjekësor-shkencor.
Në fillim, Sucharit Bhakdi u pajtua me masat e izolimit dhe ngrirjes së veprimtarive shoqërore, por shpejt kuptoi se si bllokimi dhe kultivimi i frikës kolektive u bë një mjet në duart e autoriteteve politike. Sa i përket rezultateve të kësaj politike, ardhja e valës së 2-të dëshmoi se në fund të fundit gjithçka gjykohet nga rezultati.
Në një intervistë, u shpreh se shoqëritë janë përsëri të detyruara të përballen me pandeminë duke e ditur se bllokimi i përgjithshëm nuk është më një zgjidhje efektive dhe nuk përfshihet më si përparësi për të parandaluar përhapjen e sëmundjes.
