Një ngjarje mjaft e çuditshme ka ndodhur në përvjetorin e vdekjes së ekstremistit grek, Kostandin Kacifas. Agjentë të anti-terrorit, kanë zgjedhur të maskohen me uniformën e televizionit Fax News. Por, është pikërisht ky televizion, që ditën e sotme ka publikuar fotografinë e këtyre agjentëve, duke zbuluar për publikun maskimin e zgjedhur prej tyre dhe çfarë ka ndodhur në Bularat. “Madje forcat e antiterrorit kishin zgjedhur të maskoheshin duke veshur jelekë të televizionit Fax News. Siç raportohet civilët e maskuar me logon e televizionit, kanë shkuar në Bularat me një “Pasat” të verdhë, ndërkohë që kanë pasur targa fallco taksie. Ushtarët e antiterrorist kanë qenë të pajisur edhe me kamera dhe me dylbi, duke e bërë “maskimin” e tyre me logon e televizionit edhe më të besueshëm“, shkruan Fax News. /TPZ.al/
