Qeveria merr vendim për të akorduar bonusin për pensionistët. Nuk do të jetë 5 mijë lekë si çdo vit por këtë herë do të jteë 3 mijë lekë. Ministrja e Financave, Anila Denaj dha lajmin në një konferencë për median.
“Sot Këshilli i Ministrave mori vendimin për të akorduar bonusin për pensionistët. Ishte një vit jo i lehtë, duke i shtuar edhe kësaj pasojat nga tragjedia e tërmetit e cila jo pak do të marri energji nëpërmjet fondit të rindërtimit dhe të gjithë programit të rindërtimit që është duke u përgatitur. Gjithashtu ne mbajtëm zotimin tone për një solidaritet me pensionistët, duke konsideruar një bonus në masën e 3 mijë lekëve për çdo pensionist dhe kategorisë tjetër qytetarësh që të pajtohen me pensione të veçanta. Nga ky shpërblim i parashikuar do të përfitojnë 663.227 qytetarë me pensione të posaçme nga të cilët 530.364 janë pensionistë me pension pleqërie. 67.754 janë me pension invaliditeti. 49.849 janë në pension familjar. Mbi 13.260 persona të tjerë janë në trajtim financiar me pension social. Pensione apo trajtim të veçantë financiar si minatorë, punonjës i ish-ndërrmarrjeve ushtarakëve dhe ushtarakëve me pension të parakohshëm.” – deklaroi Ministrja e Financave, Anila Denaj
