E pazakontë nga një nënë por ndodh në Fier. Një nënë tentoi dërgimin e sendeve nga jashtë për të birin e saj në burgun e Fierit diten e sotme.
Strukturat e policisë në IEVP Fier, gjatë kontrollit të një pakoje postare dërguar nga nëna e një të dënuari brenda një qeseje me duhan u gjet një aparat celular tip Samsung.
Menjëherë është vënë në dijeni SHKBB për hetime të mëtejshme.
Gjatë kontrolleve të fundit në këtë burg janë gjetur drogë, mjete prerëse e telefona.
Rasti më i fundit i raportuar ka ndodhur në shkurt kur kanë gjetur një mjet prerës rreth 15 cm të gjatë.
Kontrolli ka vijuar edhe në godinën e paraburgimit, ku në ambientet e përbashkëta, brenda lavatriçes është gjetur një telefon celular, Nokia.
Sakaq, nga kontrollet karikusi i telefonit u gjet në godinën e njëjtë, por në ambientin e dushit.
