Këngëtari i njohur Ardian Trebicka ka folur për herë të parë për ndarjen nga bashkëshortja e tij. Trebicka rrëfeu në emisionin ‘Historia live’ sesi i dha fund martesës 30-vjeçare me bashkëshorten, me të cilën ka edhe një vajzë 23-vjeçare, Iliana. Ai është shprehur se ndarja ka ndodhur me konsesus. Teksa pyetet se nëse pas ndarjes kanë mbetur shokë ai përgjgijet: “Po të themi shokë. Jeta është shumë e çuditshme, ndoshta do e lidh me albumet e mia. Unë i kam kënduar shumë dashurisë dhe shumë ndarjes dhe nëse do e kisha menduar që një ditë do më përkisnin dhe mua, do kisha kënduar ndryshe.”
Ndërsa tregon gjithashtu edhe se si vajzat e tij 23 vjeçare Iliana e ka pritur ndarjen e prindërve të saj. “Unë nuk kam dashur të kuptoj deri në fund ndjesinë e Ilianës nëqoftëse nuk ma thotë vetë. Pra unë jam që çdo qenie qoftë edhe fëmija, duhet të respektohet dhe të çmohet për gjithçka që do të thotë ose jo”, është shprehur ai.
