Një automjet ‘Mercedes A Class’ ka marrë flakë gjatë mbrëmjes në kodrat e fshatit Bubq. Makina mësohet se është djegur plotësisht, pavarësish ndërhyrjes në kohë për shuarjen e flakëve. Mësohet po kështu se nga flakët që përfshinë automjetin u rrezikua edhe pylli, pasi makina u dogj në një rrugë rurale mes pyjeve në fshatin Bubq të Fushë Krujës.

Mjeti i djegur është në pronësi të shtetasit me iniciale Sh. M. Nga kjo ngjarje nuk ka persona të lënduar, ndërkohë që mësohet se shkaku paraprakisht dyshohet të jetë një defekt në sistemin elektrik të mjetit.