Vlorë/Ndërtuan pa leje një mol pluskues dhe hodhën materiale inerte dhe të rrezikshne në det, vihen në pranga 3 shtetas. Specialistët për Hetimin e Krimeve në Komisariatin e Policisë Vlorë, në kuadër të planit të masave për sezonin turistik, në vijim të kontrolleve të vazhdueshme përgjatë vijës bregdetare, për parandalimin dhe goditjen e paligjshmërisë, kanë konstatuar në lagjen “Pavarësia 2”, në fillim të Lungomares, ndërtimin pa leje të një moli pluskues dhe hedhjen e disa materialeve inerte në det.
Në vijim të veprimeve u bë arrestimi në flagrancë, për veprat penale “Menaxhimi i mbetjeve” dhe “Ndërtimi i paligjshëm”, i shtetasve: – F Z 45 vjeç, banues në Vlorë. – Gj M 36 vjeç, banues në Vlorë. – L .Xh 65 vjeç, banues në Vlorë.
Shtetasit F. Z dhe Gj. M dyshohet se kishin kontraktuar shtetasin L .Xh shofer kamioni, për të vendosur gurë dhe disa materiale të tjera të ngurta, në det, në afërsi të molit pluskues, të cilin këta shtetas e kishin ndërtuar pa lejen e organeve kompetente.
Pak ditë më parë nga ana e IKMT është bërë dhe cmontimi i një strukture metalike me të cilën Z dhe M kishin dëmtuar dhe Lungomaren dhe duke u gjobitur për këtë por duket se përsëri dy personat ditësh e djeshme kanë hedhur në det midis të tjerave materiale të rrezikshme për detin të marra pranë OSHE në qytetin e Vlorës . Materialet iu referuan Prokurorisë, për veprime të mëtejshme.
