Policia e Durrësit ka arrestuar një 35-vjeçar i cili akuzohet për veprat penale “Dhuna në familje” dhe “Shkatërrimi i pronës”. Uniformat blu bëjnë me dije se i riu banues në Arapaj të Durrësit ka ushtruar dhunë ndaj bashkëshortes dhe vjehërrit të tij dhe i ka dëmtuar automjetin këtij të fundit. Materialet i kaluan Prokurorisë, për veprime të mëtejshme.
Policia e Durrës: Vihen në pranga 2 shtetas, për vepra të ndryshme penale.
Specialistët për Hetimin e Krimit Ekonomiko-Financiar në DVP Durrës arrestuan në flagrancë, për veprat penale “Falsifikimi i dokumenteve” dhe “Falsifikimi i letërnjoftimeve, i pasaportave ose i vizave”, shtetasin A. T., 33 vjeç, banues në Kosovë, pasi është kapur nga shërbimet e Policisë Kufitare, në PKK Port Durrës, duke tentuar të kalojë kufirin, me dokumente të falsifikuara.
Specialistët për Hetimin e Krimeve në Komisariatin e Policisë Durrës arrestuan në flagrancë, për veprat penale “Dhuna në familje” dhe “Shkatërrimi i pronës”, shtetasin A. H., 35 vjeç, banues në Arapaj, Durrës, pasi ka ushtuar dhunë ndaj bashkëshortes dhe vjehërrit të tij, si dhe i ka dëmtuar këtij të fundit, automjetin. Materialet i kaluan Prokurorisë, për veprime të mëtejshme.
