Reshjet intensive të shiut të dy ditëve më parë kanë shkaktuar përmbytje të shumta në zonën e Shkodrës. Edhe pse reshjet kanë pushuar prej mesditës së djeshme, aktualisht gjenden nën ujë rreth 5370 Ha tokë. Në Njësinë Administrative Dajç, hidrometri tregon një rritje prej 11 cm. Të paktën 9 banesa janë nën pushtetin e ujit.
Siç shihet dhe nga fotot e mëposhtme xhamia blu gjendet e gjitha nën ujë, por sëbashku me të edhe disa banesa të tjera rreth e rrotull. Ndërkohë, bashkia Shkodër kërkon ndërhyrje emergjente nga Bordi Rajonal Lezhë për të bërë të mundur mbylljen fundore të argjinaturës së Darragjatit pasi uji vërshon në zonën e banuar.
