14-vjeçari shqiptar, i cili mbeti i plagosur nga tërmeti i fuqishëm që goditi Turqinë, por edhe ishullin grek Samos, është në gjendje të mirë shëndetësore. Lajmin e jep Ambasada Shqiptare në Athinë e cila ka publikuar një foto të Enriko Manes nga spitali. Sipas asaj që poston ambasada në faqen e saj në Facebook, Enriko, me origjinë nga Fieri, është drejt përmirësimit.
Ja çfarë shkruan ambasada shqiptare në Greqi: Eriko eshtë drejt përmirësimit, gjendja e tij shendetësore është e stabilizuar dhe pritet që së shpejti t’i kthehet normalitetit. Mjekët e spitalit janë duke dhënë kontributin maksimal për përmirësimin e tij. Gjatë vizitës së sotme, stafi i Ambasadës i dhuroi një dhuratë simbolike si një gjestdashurie për heroin tonë Eriko.
