Ilir Meta ka zbritur sot në një zonë të dashur për të, në Çorovodë. Pas një ndalese të bërë në Bogovë, e teksa ka ndarë me ndjekësit në Facebook, edhe një foto shkrepur aty, kreu i Shtetit ka zhvilluar një bisedë me banorë të zonës, tek “Verori” në Çorovodë. “Sot tek “Verori” në Çorovodë, një shëndet për përjetësinë e këngëtarit legjendar të maleve tona, Demir Zyko’, shkruan Meta, bashkëngjitur fotove, ku shfaqen me një gote rakie në dorë. Demir Zyko, është Artisti i Popullit, këngëtari më i shquar deri më sot i iso-polifonisë toske, lindi në Gjerbës të Skraparit më 1911.