Kjo urë i mban të izoluar banorët prej dy vitesh. Nga dita kur u shemb, sagje s’ka ndryshuar. Është fshati Brret në Malësinë e Krujës, pesë kilometra larg qytetit. Ata po përdorin një rrugë tjetër këmbësoresh për nevojat e tyre. Për urën e Drojës askush nuk u ka premtuar gjë. Banorët thonë se ndjehen të humbur dhe të varfër. Një dyqan në fshat i furnizon ata me listë. Shlyerjen e parave e bëjnë nëse kanë arritur të shesin ndonjë frut apo perime.
Ose kur dikush u sjell ndonjë lekë nga emigracioni. Këtu ka shume pak të rinj. Janë larguar drejt qyteteve ose jashtë. Ata që banojnë në Bret, kane turp të flasin para kamerave. Banori: Ne e kemi raportuar këtë ngjarje, por askush s;ka bërë asgjë. Edhe turistët që afrohen, largohen menjëherë sa shohin urën.
Banori I mitur: Nuk kemi çfarë të bëjmë, sepse këtu nuk ka asgjë. Thonë se nuk ndjehen si të rinjtë e tjerë, por si njerëz të prapambetur. Shumë pranë fshatit ndodhen biznese private por banorët thonë se natën e kalojnë në makth nga shpërthimet me tritol. Kurse shërbimi mjekësor mungon.
