Mediat italiane kanë raportuar detaje në lidhje me një ngjarje tragjike të ndodhur mëngjesin e ditës së djeshme, ku dy të rinj shqiptarë humbën jetën në një aksident rrugor në Pontebana, në via Roma.
Mjeti i dy të rinjve, Dorian Myftarjat 24 vjeç dhe 35 vjeçarit Rruzhdi Karreci, humbi kontrollin dhe doli nga rruga. Përplasja ka qenë e fortë aqsa makina është rrotulluar në ajër dhe më pas ka përfunduar në një fushë ngjitur me rrugën.
Shkaku i aksidentit është ende i paqartë, teksa media italiane e vë theksin tek fakti se dy të rinjtë nuk kishin vënë rripin e sigurimit. Kalimatërët e rastit e kanë parë makinën dhe kanë njoftuar menjëherë policisë. Por pavarësisht reagimit të shpejtë, dy shqiptarë kanë humbur jetën përpara se në vendngjarje të mbërrinte autoambulanca.
36-vjeçari Karreci, ishte arrestuar pasi ishte kapur me kokainë shkruajnë mediat italiane, ndërsa emri i 25 vjeçarit u bë i ditur orë më vonë për shkak se familjarët nuk ishin informuar mbi tragjedinë./Express
