Gazetari i gazetës gjermane “Bild”, Peter Tiede, ka ironizuar kryeministrin Rama pasi ky i fundit në cilësinë e presidentit të radhës së OSBE-së kërkoi që negocionte me presidentin e Bjellorusisë Lukashenko për zgjidhjen e krizës politike atje.
Peter Tiede publikoi përgjimet për vjedhjen e votave të PS-së në zgjedhjet e vitit 2017 në Durrës dhe ato lokale të vitit 2016 në Dibër. Me anë të një postimi në rrjetin social Facebook, Tiede ka shkruar se nuk mund ta besonte që Rama në emër të OSBE-së do të nisë negociatat me Lukashenkun.
“Nuk është shaka: Edi Rama tentoi dje të nisë negociatat me Lukashenkon. Në emër të OSBE-së. Nuk mund ta besoj!” Më tej, Tiede aludon për përdorim kokaine duke përdorur një shprehje gjermane në fund të postimit ‘Besoj se po bie borë (ose pluhur)’.
Gazetari i gazetës gjermane BILD, Tiede, pas publikimit të audio-përgjimet që tregonin përfshirjen e dejtuesve të të lartë socialistë në manipulimin e zgjedhjeve vendore në Dibër më 2016 dhe zgjedhjet e përgjithshme të 2017-tës, u kërcënua publikisht nga kryeministri Rama i cili deklaroi se do ta padiste gazetarin. Pas deklaratave të kryeministrit shqiptar, Peter Tiede tha se në redaksinë e gazetës Bild apo në adresën e tij personale nuk erdhi kurrë asnjë padi nga ana e Ramës.
