Gazetarja Nisida Tufa u vaksinua direkt teksa po intervistonte kryeministrin Edi Rama. “Do të vaksinohem direkt me vaksinën “Sinovac” gjatë intervistës sepse jam pro vaksinës”, tha ajo. Në të gjithë vendin prej një jave ka nisur vaksinimi masiv i popullatës.
Ndërkohë që procesi i vaksinimit nisi më 11 janar, fillimisht me bluzat e bardha dhe të moshuarit mbi 8- vjeç për të vijuar me kategori të tjera si mësuesit, qytetarët mbi 70-vjeç, gazetarët dhe operatorët e terrenit dhe sot me policët. Së shpejti do të nis dhe vaksinimi për qytetarët mbi 60-vjeç. Që prej fillimit të vaksinimit janë kryer në total 172.486 doza të vaksinës antikovid.
