GËZUAR 2019 Sa herë që vjen fundviti festat i lidh shpesh me urimet. Me pëlqen ti bëj dhe ti marr ndaj po kujtoja si kanë ndryshuar ato ndër vite. Të parat që mbaj mend, ishin ato kur sapo kisha mesuar të shkruaj dhe urimet ishin në kartolina që u shpërndanim miqve të afermëve e familjarëve. Kartolinat ishin fantastike përveç urimit tërësisht të personalizuar ishte dhe pjesa ku nëse jepej dorazi shkruhej në cep ndonjë rimë( pulla mungon zogu fluturon). Me vitet që pasuan kartolinat u bënë gjithnjë e më të pakta, letrat, si mesazhe mendimesh akoma me intime, gati në zhdukje e të gjitha të zëvendësuara nga mesazhet telefonike.
Me kujtohet akoma kur “shkrije” një rimbushje të tërë vetëm për të nisur urimet, që gjithnjë e më shumë shtoheshin në numër. Këtu u kalua në ato mesazhet që me simbolet e tastierës ndërtohej një pemë epo shtë shkruhej eksluzivisht në anglisht Merry XMas and Happy New Year, ose ato më të personalizuarat që përfundonin – me respekt “mbiemri i familjes”. Nga ky moment ndodhi ndryshimi, mesazhet e urimeve u bënë gjithnjë e më të ngjajshme aq sa shpesh herë harrohej të ndërrohej emri i destinatarit ose familja dërguese. U bë një mishmaç urimesh të gjitha të uniformuara me të njëjtën përmbajtje të lodhshme e që nuk përcillnin pikë emocioni.
Rrjetet social nuk bënë gjë tjetër veçse të amplifikonin njëtrajtshmërinë madje zhdukën dhe fjalët por urimet të përbëra nga një imazh, gif apo video me shkrimet në një shqipe të ftohtë të largët dhe të gabuar. Shumë keqardhje si evoluan kështu urimet. Kaluam nga mot më shumë dhe përqafimet live në një pemë gif me një gëzuar 2019 me drita neoni. Në fund të fundit është dita e fundit e një viti plot halle, probleme, zgjedhje, zgjidhje, miq që largohen, miq të rinj, dështime dhe arritje, dhe njerzëve të cilëve u nisni urimet janë pikërisht ata që kanë bërë 2018 për ju. Ndaj, nëse e keni të vështirë të shprehni gëzimin tuaj me një fjalë kujtim apo emocion që ke ndarë me të uruarin. Kursejeni pemën në gif me drita neoni. Mjafton një: “GËZUAR 2019!”, ai do ju kuptojë, do buzëqesh e do ju kthejë urimin pas.
