Përhapja e Covid-19 në institucionet arsimore para-shkollore në Gjirokastër ka bërë mbylljen e dy kopshteve në qytetin jugor. Kopshti “Cicërimat” si dhe një kopsht tjetër janë mbyllur për shkak të rezultimit pozitiv të punonjësve në këto institucionë. Gjithashtu burime për Faxweb bëjnë me dije se do të mbyllet edhe shkolla 9-vjeçare“Koto Hoxhi”, pasi ka rezultuar pozitiv një numër I konsiderueshëm mësuesish. Pritet që të të bëhet dezinfektimi I ambienteve të shkollës, ndërkohë që mësimi për nxënësit do të vazhdojë online.
Kujtojmë se ditën e sotme në NJKVSH Gjirokastër, kanë rezultuar me koronavirus 5 punonjës, prej të cilëve 2 janë laburantë, 1 mjeke dhe 2 epidemiologë. Situata e pandemisë së koronavirusit në vend vijon të jetë tepër shqetësuese, ku numri i infektimeve të reja po pëson një rritje galopante. Gjatë 24 orëve të fundit në të gjithë territorin e vendit, kanë humbur jetën si pasojë e koronavirusit 2 persona, si dhe janë regjistruar 501 raste të reja, nga 1942 testime të kryera.
