Janë publikuar formacionet zyrtare për sfidën mes Sllovakisë dhe Spanjës. Për Spanjën, është ndeshje “jetë a vdekje”, pasi rrezikon rënien nga Kampionati Evropian që në fazën e grupeve.
Para ndeshjes së fundit në grup ku do të sqarohet gjithçka, Sllovakia ka tri pikë në vendin e dytë, kurse Spanja dy pikë në atë të tretë. Luis Enrique ka bërë disa ndryshime nga ndeshjet e kaluara, me shpresën se do të gjejë fitoren e parë në Euro 2020 dhe të sigurojë kualfikimin. Sllovakia: Dúbravka; Pekarík, Satka, Skriniar, Hubocan; Kucka, Hromada; Haraslín, Hamsík, Mak; dhe Duda.
Spanja: Unai Simón; Azpilicueta, Eric García, Laporte, Alba; Busquets, Koke, Pedri; Sarabia, Gerard Moreno dhe Morata. Në ndeshjen tjetër të këtij grupi, do të përballen Suedia që ka katër pikë me Poloninë e fundit me një pikë. Polonia ende shpreson në kualifikim dhe për të ndodhur kjo, i duhet sonte patjetër fitore. Të dy takimet nisin nga ora 18:00.
