Mbrëmjen e sotme në orën 20:00 në ABC starton spektakli më i ri, ‘Gladiator’. Ai është cilësuar si një ndër game show më unik në botë, ku sfidat janë nga më të veçantat. Garë, emocione, energji dhe sigurisht triumfi i fitores do të trasmetohen sot për shikuesit në çdo ekran të familjeve shqiptare nga dy moderatorët më ‘cool’ të momentit, Anna Lika dhe Enis Ujkani.
Mirëpo, këta të fundit nuk do të jenë të vetëm, pasi ekipi i sotëm që do të sfidojë garat më të famshme të historisë do të jetë i përbërë nga një grup personazhesh shumë të njohur të skenës. Ata do të mundohen të fitojnë sa më shumë raunde për të grumbulluar sa më shumë para në arkë, pra pjesë e rëndësishme e ‘Gladiatorit’ do të jenë edhe paratë. Për më tepër, gjithçka mbetet për t’u zbuluar pas pak orësh në arën e betejave. l.k/abcnews.al
