Trajneri i Arsenalit ka vendosur që Granit Xhaka të jetë kapiten i përhershëm i skuadrës. Sipas BBC, vëllai i Taulantit që luan me Kombëtaren shqiptare, ka zëvendësuar Laurent Koscielny i cili u largua tek Bordeaux.
Vendimi i trajnerit ka ardhur pas diskutimit me të gjithë skuadrën. Tekniku spanjoll duket se ka vënë veton pasi i ka komunikuar ekipit vendimin e tij.
Por zgjedhja e trajnerit duket se nuk do të marrë mbështetjen e tifozerisë londineze pas kritikave ndaj mesfushorit për shkak të paraqitjes së tij jo të mirë këtë sezon. 27-vjeçari madje është fërshëllyer nga tifozët në ndeshjen e fundit.
Zëvendës kapiteni do të vendoset mes kandidaturave të Alexandre Lacazette dhe Pierre-Emerick Aubameyang. Ndeshja e parë e Xhakës si kapiten do të jetë kundër Manchester United në Old Trafford të hënën e ardhshme.
