Barcelona ëndërron rikthimin e Pep Guardiolës. Është ky lajmi i bujshëm që vjen nga mediat spanjolle, me “Don Balon” që shkruan se drejtuesit Blaugrana do të dëshironte rikthimin e trajnerit aktual të Manchester Cityt në vend të Ernesto Valverde. Një operacion i vështirë por jo i pamundur për kampionët në fuqi të La Liga.
Megjithatë, fillimisht duhet të sheshohen keqkuptimet mes teknikut spanjoll dhe presidentit aktual të Barcelonës, Jose Maria Bartomeu. E në të tilla kushte, kur marrëdhënia e dyshes është e ndërlikuar, Guardiola mund të firmos me gjigantin spanjoll vetëm pas zgjedhjeve presidenciale në klub, të cilat do të mbahen në vitin 2021.
