Nëntë persona mbetën të plagosur, 2 nga të cilët në gjendje të rëndë si pasojë e tre aksidenteve të shënuara në orët e fundit.
Shkoder- 6 persona mbetën të plagosur nga përplasja e tre automjeteve në aksin Shkodër – Han i Hotit, pranë fshatit Vrakë. Goditja ka qenë e fortë dhe dy nga udhëtarët në makinë ndodhen në gjendje të rëndë. Të plagosurit u dërguan në spitalin rajonal ku morën ndihmën mjekësore, ndërsa policia pas veprimeve të para nisi hetimet për shkaqet e aksidentit.
Dyshimet e para janë që shpejtesia dhe shkelja e rregullave të qarkullimit të jenë shkaktarët kryesore, ndikuar edhe nga kufizimi i pamjes si pasoje e errësirës në rrugë. Rruga nacionale Shkoder – Han i Hotit edhe pse përshkon zona të banuara, ajo vuan mungesën e shumë elementeve te sigurisë dhe një nga problematikat me të mëdha është shpejtësia në lëvizje e mjeteve.
Fier – Dy persona ndërkohë mbetën të plagosur mbrëmjen e së dieles ne aksin rrugor Levan Tepelenë ku drejtuesi i një mjeti humbi kontrollin e për pasojë përfundoi jashtë rruge.
Vlore- Vala e aksidenteve vijoi mëngjesin e sotëm në aksin Levan Vlorë, ku një furgon mallrash u përmbys në mes të rrugës. Për pasojë drejtuesi i mjetit mbeti i lënduar, por pa rrezik për jetën Aksidenti nga ana tjetër shkaktoi trafik për disa minuta në rrugë Dy javët e para të gushtit kanë prodhuar bilanc tragjik për rrugët e vendit, ku janë shënuar 75 aksidente rrugore me 17 viktima. Shkaku kryesor sipas policisë në shumicën e rasteve është bërë sjellja e gabuar e drejtuesve të automjeteve.Oranews
