Një prej aleatëve të PD, Nard Ndoka, teksa ka shpë.rthyer ndaj Ramës, duke thënë se po sillet si politikani më i papërgjegjshëm si drejtues i një mazhorance me vota të blera. “Edi Rama po pushton të gjitha institucionet, pushteti ka gjunjëzuar dhe kapur shtetin. Jemi në prag diktature. Viti 2020 duhet të shpallet si “viti pa Edi Ramën Kryeministër””. Kështu shpreht kreu i PDK-së Nard Ndoka.
Ai thekson se opozita është e fokusuar tek axhenda e Buntestagut gjerman për zgjidhjen e krizës. Por sipas tij, nëse kjo axhendë refuzohet apo anashkalohet nga Rama, deviza ynë si opozitë e bashkuar do jetë luftë frontale këtij banditi të demokracisë dhe institucioneve, luftë pa kompromis dhe me çdo çmim që meriton liria e një kombi të shtypur nga një ozurpator.
Ndoka në një reagim pë Koha Jonë thekson se Qeveria e ka zhytur vendin në krizë të thellë; politike, ekonomike, morale. Me politikat diskriminuese, kjo qeveri detyroi mijëra familje dhe të rinjë të braktisin vendin nga gjendja e mjerueshme ekonomike. “Lënia e mandateve ka qenë vendimi më i guximshem dhe më i rëndësishëm i opozitës së bashkuar, në aspektin politik e moral në raport me qytetarët shqiptarë.
Me humbjen e shpresës për të jetuar në këtë vend, qindra mjekë, infermierë, biznesmenë u larguan nga vendi. Ne kaluam një vit dramatik, ku opozita e bashkuar dhe qytetarët shqiptarë kërkonin largimin e kësaj qeverie dhe të kryeministrit Edi Rama, si shkaktari dhe përgjegjësi i kësaj gjendje”, thekson Ndoka.
