Policia e Korçës ka arrestuar një person, me rrezikshmëri për punonjësit e Policisë. Sipas autoriteteve i riu bante armë zjarri në banesë dhe kërcënoi me jetë punonjësit e Policisë, pas thirrjeve të uniformave blu.
Në kuadër të operacionit “Again” është vënë në pranga shtetasi Renato Lipe, 26 vjeç, banues në Korçë, person me rrezikshmëri të lartë, i dënuar më parë për armëmbajtje pa leje.
Renato Lipe rezulton se është arrestuar edhe në vitin 2021, po për armëmbajtje pa leje, teksa edhe para këtij viti rezulton i dënuar po për të njëjtën vepër penale.
“Shërbimet e Komisariatit të Policisë Korçë, në bashkëpunim me shërbimet operacionale, në bazë të informacioneve të marra se një shtetas i dënuar më parë për armëmbajtje pa leje kishte siguruar dhe mbante përsëri armë zjarri, organizuan punën dhe finalizuan operacionin policor të koduar “Again”.
Në momentin e ndërhyrjes, 26-vjeçari ka kundërshtuar të hapë derën dhe ka kërcënuar me jetë punonjësit e Policisë. Pas thirrjeve të bëra nga ana e Policisë dhe ndërhyrjes profesionale, u bë e mundur neutralizimi dhe arrestimi në flagrancë.” – thuhet në njoftimin e Policisë.
