Ka ndërruar jetë nga Covid-19 në një spital në Napoli ish-kampioni i body-building Salvatore Solimeno, 45 vjeçar nga Pompei. Lajmin e bënë të ditur mediat italiane të cilat shkruajnë se Solimeno ndërroi jetë pas disa ditësh agoni. Sipas të afërmve të tij, Solimeno vuante nga talasemia, megjithëse ai bënte një jetë krejtësisht normale.

Për shkak të problemeve me frymëmarrjen Solimeno i ishte shtruar në spital ku luftoi për disa ditë por nuk ishte në gjendje të fitonte betejën me virusin tinëzar.
“Ai ishte i fortë dhe luftarak – shpjegonin miqtë nga Pompei për mediat italiane-. Ne ishim të bindur se ai gjithashtu do të mposhtte Covid”-raporton TGcom24