Shifrat e personave më Covid-19 në vendin tonë janë ende në rritje dhe situata vijon që të mbetet e rëndë. Një lajm i hidhur ka ardhur ndërkohë nga radhët e punonjësve të OSHEE-së, ku bëhet me dije se ka humbur jetën si pasojë e Covid-19 një punonjës, i quajtur Artur Doçi.
Lajmin e kanë bërë me dije miqtë e tij në mediat sociale, ku ndër të tjera shkrujnë se ai ishte një djalë fisnik dhe familjar model. “Sapo na la nga covidi poshter nje djale fisnik, nje mik i shtrenjtë, nje familjar model, nje burrë Kukesi me zemër te madhe që të rrallë i ka shokët. Na preve krahet o shoku yne i mirë. Zoti te deshi per vete ne qiell. Si ne ketë foto do te mbaj mend gjjthmonë. Te qoftë dheu i lehtë Artur Doçi.“- shkruan Paulin Ndreu.
“Stafi i DKRH OSHEE sot humbi djalin me te mire. U prehsh ne paqe miku im Artur Doçi”- shkruan miku i tij në mediat sociale.
Kujtojmë se ministria e Shëndetësisë ka bërë me dije se në 24 orët e fundit kanë ndërruar jetë nga Covd-19, 12 persona. Bëhet me dije se gjatë 24 orëve të fundit numri i rasteve të reja është 809, ndërkohë që janë kryer 2711 testime. Sakaq numri i personave të shtruar në spitale ka pësuar rënie të ndjeshme, ku deri tani në katër spitalet Covid, bëhet me dije se janë të shtruar 426 pacientë, 28 në terapi intensive nga të cilët 9 pacientë janë të intubuar.
