Ka humbur betejën si pasojë e Covid 19 mjeku i QKUK-së në Kosovë, Sylejman Dulla. Lajmin e ka bërë të ditur deputeti, Haxhi Avdyli, i cili është njëherësh edhe mjek në profesionin e tij, Avdyli shrkruan se brenda një jave Kosova ka humbur dy anestezistë, të cilët kanë sakrifikuar jetën e tyre në përballje me Covid 19.
“Humbje e madhe për familjen, miqtë e shëndetësinë, ikja në amshim e dr. Sylejman Dullës, Anesteziolog në QKUK”. “Brenda javës Kosova humbi dy anesteziolog eminent Dr Afrim Tashollin e tash Dr Sylejman Dulla , të cilët ishin në vijë të parë të ballafaqimit me Covid19 , e që fatkeqësisht e humben betejën duke sakrifikuar edhe veten në luftë me këtë armik të padukshëm”, ka shkruar ai.
