Një miliarder kinez ndërroi jetë ditën e Krishtlindjeve pasi dyshohet se u helmua. Lin Qi, 39 vjeç ishte shefi ekzekutiv i zhvilluesit të lojërave Yoozoo, i njohur për lojën strategjike Game of Thrones: Winter Is Coming. Policia e Shangait thotë se një nga kolegët e Lin, i identifikuar vetëm nga mbiemri i tij Xu, është i dyshuari kryesor i ngjarjes. Ai besohet se kishte një pasuri me vlerë neto prej rreth 1.3 miliard dollarë amerikanë.
Shumë punonjës dhe ish-punonjës u mblodhën jashtë zyrës së Yoozoo të Premten për të mbajtur zi për vdekjen e tij. Biznesmeni ishte një yll i tregut fitimprurës të lojërave të Kinës dhe gjithashtu kishte bërë një përpjekje për prodhimin e filmit.
Në vitin 2009 themeloi Yoozoo dhe drejtoi me sukses kompaninë gjatë një periudhe ku industria e lojërave pa ndryshime thelbësore drejt lojërave për celular. Mbetet ende e paqartë cfarë i ka shkaktuar vdekjen pasi mbërriti në spital në gjendje të rëndë, më pas u përmirësua dhe një ditë më vonë, shëndeti i tij mori një kthesë dramatike derisa ndërroi jetë.
