Një 41-vjeçar, i identifikuar si Flamur Krasniqi humbi jetën në një inci dent me motor dëbore në Itali. Ai kishte kaluar mbrëmjen me kolegët duke darkuar në Monte Pera, dhe të gjithë kishin vendosur të bënin ngjitje me motora dëbore.
41-vjeçari nga Kosova humbi kontrollin e mjetit. Pavarësisht ndërhyrjes në vendngjarje me helikopter, ai ndërroi jetë. Flamuri ishte me origjinë nga Kosova dhe njihej ndryshe si “Muly”. Prej fëmijërisë, ai u largua drejt Zvicrës. Familjarët dhe miqtë janë përballur me një të papritur të madhe. Miku i tij prej 20 vitesh, Mauro Maggiulli ka shprehur sa i dëshpëruar është për ikjen e tij duke thënë:
“Ai ishte një tifoz i futbollit, i Milanit ‘tonë’. Sonte (mbrëmjen e kaluar) duhet të kishim shkuar në Milano për të parë derbin së bashku. Futbolli mbeti një pasion, Muly atëherë zgjodhi një rrugë tjetër: ai ndoqi Qendrën Tregtare Profesionale të Lugano, duke u bërë një konsulent i vlerësuar i shitjeve për Volksëagen në Amag. Ai ishte një person fantastik, i shkëlqyer, shumë i dashur.
Fëmijët e mi e quanin xhaxha. Kemi pasur një marrëdhënie shumë të ngushtë që është forcuar ndër vite. Ai ishte shumë i lidhur me familjen, një njeri me vlera të shëndetshme. Ishte gjithmonë i gatshëm të ndihmonte të gjithë, ishte shumë vetëmohues”.
