Seria A duket shumë e çuditshme këtë sezon me shkarkime të shumta trajnerësh pas rezultateve negative. Së fundmi e ka pësuar Viçenzo Montela i cili nuk do të jetë më në drejtimin e Fiorentinës, për shkak të ecurisë së dobët që skuadra violë ka këtë sezon duke pësuar humbje të shumta dhe mungesë të theksuar rezultatesh.
Lajmi u bë i ditur nga klubi nga Firence që njofton se Montela është shkarkuar nga detyra dhe ditët në vijim do të emërohet edhe trajneri i ri që do të zërë vendin e Montelës. Humbja e fundit në kampionat 1-3 kundër Romës, ka rezultuar fatale për ish-trajnerin e Milanit.
“Fiorentina njofton se ka shkarkuar trajnerin Montela. Vendimi i klubit erdhi pas një analize të gjatë dhe të kujdesshme të performancës së skuadrës dhe rezultateve. Klubi violë njofton se ditët në vijim do të emërohet trajneri i ri”, shkruhej mes të tjerave në njoftimin për shkarkimin e trajnerit.
