Roxhers Demirazi, i riu shqiptar që akuzohet për vrasjen e 19 vjeçarit grek Alkis Kampanos në Selanik, ka dëshmuar ditën e sotme në Prokurori.
Ai është shprehur se nuk ka pasur ansjë send me vete dhe nuk ka goditur askënd, por thjesht ka ndjekur një grup njerëzish. “Isha në makinë, në sediljen pas pasagjerit. Nuk kam marrë asnjë send me vete, nuk kam arritur të godas askënd. Unë thjesht ndoqa disa njerëz”, mësohet të jetë shprehur ai.
20 vjeçari u dorëzua ditën e djeshme në Komisariatin e Korçës, disa ditë pasi ishte shpallur në kërkim nga autoritetet greke. Të pandehur për v rasjen e 19 vjeçarit grek janë edhe 4 persona të tjerë, për të cilët është caktuar masa e paraburgimit.
