Ditën e djeshme një video ku policët bashkiakë në Tiranë i hidhnin perimet një të moshuare që kishte dalë për ti shitur në mënyrë që të fitonte bukën e gojës, bënë xhiron e rrjetit duke sjell edhe reagime të shumta.

Por një e vërtetë e dhimbshme është mësuar në lidhje me gruan e moshuar, që dje u bë nëna e të gjithëve, pas sjelljes aspak të hijshme të policëve të Erion Veliajt.

Një ndjekëse shkruan për “Iconstyle” se e moshuara kishte humbur të birin dhe punonte për të nxjerrë bukën e gojës. Ajo tregon edhe një skenë të dhimbshme ku nëna hante bukë thatë teksa priste që të shiste edhe produktet, të cilat dje u hodhën në mes të rrugës.

“Nënën e rastisa para një muaji, ulur në 40 gradë, hante bukë thatë ndërkohë që priste që të shiste produktet që kishte nxjerrë nga dheu me duart e saj.

Pasi bleva, e pyeta përse në këtë moshë ende punonte në rrugë. Më nxorri fotografinë e djalit që i kishte vdekur, me lot në sy më tha: Ah moj bijë, më ka ikur djali, ngela pa sy dhe pa bukë!,”-shkruan ajo. Azlajme