Një video e filmuar në qytetin ukrainas të Melitopolit po bën xhiron e rrjetit. Një i moshuar ukrainas shfaqet duke qortuar dy ushtarë rusë si të ishin fëmijë dhe ata thjesht e dëgjojnë pa e prekur.
I moshuari i kërkon që të largohen nga vendi pasi ata kanë shtetin e tyre dhe ukrainasit vendin e tyre. Ndër të tjera ai i thotë se edhe ai vetë është rus, por jeton në Ukrainë.
“Çfarë dreqin po bëni këtu, edhe unë jam rus, por jetoj në këtë shtet. Ju keni vendin tuaj, ne kemi tonin. A nuk keni probleme në vendin tuaj për të zgjidhur? A jeni të gjithë të pasur atje, si ne Emiratet? Ju jeni thjesht kukulla”,-thotë i moshuari.
