Çdo infermier i licensuar i interesuar për të aplikuar në platformën online “Infermierë për Shqipërinë” i ka mbetur vetëm një ditë kohë për të konkuruar për një vend pune në sistemin shëndetësor publik. Ri-shpallja e konkursit “Infermierë për Shqipërinë” u lajmërua nga ministrja e Shëndetësisë dhe Mbrojtjes Sociale, Ogerta Manastirliu, 5 ditë më parë. Konkursi është i hapur për 4 Drejtoritë Rajonale të Operatorit të Shërbimeve të Kujdesit Shëndetësor ndërsa afati i fundit i aplikimit është data 15 gusht.
Kjo shpallje bëhet vetëm për profesionin infermier, në vijim të shpalljes së muajit janar 2020 me qellim përfshirjen në listat e pritjes të të gjithë infermierëve që dëshirojnë të punësohen në strukturat shëndetësore publike. Platforma “Infermierë për Shqipërinë” është lançuar në janar të 2018 për punësimin e profesionistëve të shëndetësisë dhe është pjesë e ligjit të ri të kujdesit shëndetësor. Ky konkurs çelet disa herë në vit.
