Ish-kryeministri britanik, Tony Blair ka mbërritur në Himarë me helikopter sonte. Në pamjet e siguruara nga “Top Channel”, shihet teksa ish-kryeministri zbret nga helikopteri në stadiumin e Himarës.
Mjeti fluturues është njëri prej helikopterëve “Cougar” që përdor ushtria shqiptare, ndërsa makinat që presin ish-kryeministrin janë me targa të MB të Ministrisë së Brendshme të Shqipërisë, ku duken disa gardistë me veshjet tipike civile.
Ende nuk dihet arsyeja e vizitës së Tony Blair por nuk përjashtohen pushimet. Kjo është e disata herë që ish-kryeministri britanik viziton Shqipërinë. Ai ishte për të kaluar pushimet në vitin 2016 dhe 2021.
Blair dhe bashkëshortja janë pajtuar prej vitit 2013, kur Rama erdhi në pushtet, si këshilltarë, zyrtarisht pa pagesë, të qeverisë shqiptare.
Kryeministri Edi Rama e ka deklaruar veten shpesh si mik të Toni Blair. Ky i fundit deklaronte se kompania e tij “Toni Blair Institute for Change” do të përfaqësojë falas Shqipërinë në gjykimin e pritshëm në Hagë, përballë Greqisë, për çështjen e delimitimit të kufirit detar mes dy vendeve.
