Real Madridi ka konfirmuar zyrtarisht shkallën e lëndimit të Eder Militao. Dhe tani Real Madridi ka konfirmuar se Militao ka këputur ligamentin e kryqëzuar dhe pritet të jetë jashtë fushe për gjashtë muaj.
Në një deklaratë të klubit thuhet: “Pas analizave të bëra te lojtari ynë Eder Militão, ai është diagnostikuar me një këputje të ligamentit të kryqëzuar të përparmë në gjurin e majtë”.
“Lojtari do t’i nënshtrohet një operacioni në ditët në vijim”. Kjo vjen vetëm tri ditë pasi Thibaut Courtois pësoi të njëjtin lëndim. E nese per Courtois Real Madridi levizi per nje huazim te arritur me Chelsea per Kepa me te drejte blerje 80 mln euro, nuk dihet se cili do te zevendesoje brazilianin e forte te mbrojtjes Galaktike.
Por, pavarësisht dëmtimit të mundshëm të Eder Militao në fund të sezonit, botimi spanjoll Diario AS ka pohuar se Los Blancos nuk pritet të bëjnë ndonjë lëvizje në tregun e transferimeve për pozicionin e qendërmbrojtësit.
Real Madrid bëri një fillim fitues në sezonin 2023-24, por kjo fitore erdhi me koston e humbjes së mbrojtësit të tyre të parë për pjesën tjetër të sezonit. Demtimi i Militao ka ndodhur në minutat e hapjes së pjesës së dytë kundër Athletic Club mbrëmjen e djeshme.
25-vjeçari pati një rrëshqitje të parakohshme teksa do të priste një top që i shkaktoi një çarje të ligamentit të kryqëzuar të përparmë. Real Madrid ka konfirmuar se mbrojtësi do t’i nënshtrohet një operacioni në ditët në vijim…
