Ministri i Jashtëm italian Luigi Di Maio paraqiti të premten një dekret të ri në lidhje me azilkërkuesit, i cili tha se do të shkurtojë kohën e nevojshme për të marrë një vendim nëse një emigrant duhet të riatdhesohet.Nëse deri tani azilkërkuesit mund të qëndronin në Itali 2 vjet, deri sa të vendosej më pas për ta, tashmë kjo kohë do të shkurtohet në vetëm 4 muaj.
Qeveria italiane përshpejton afatin e procedurave për riatdhesimin e emigrantëve.
Ministri i Jashtëm dhe kreu i Lëvizjes 5 Yjet, Luigi Di Maio, njoftoi të premten nënshtrimin e dekretit ndërministror mes Ministrisë së Jashtme dhe asaj të Brendshme për emigrantët.
“Ky është vetëm hapi i parë i planit tonë të sigurt të riatdhesimit”, tha ai, duke përsëritur se masa “do të sjellë riatdhesimet në 13 vende brenda katër muajve nga dy vjet që ka qenë”.
13 vendet e listuara në programin e riatdhesimit janë Algjeria, Maroku, Tunizia, Shqipëria, Bosnja, Kepi i Gjelbër, Gana, Kosova, Maqedonia Veriore, Mali i Zi, Senegali, Serbia dhe Ukraina.
Conte: “Përshpejtimi i riatdhesimit është një pikë e madhe kthese” – Kryeministri Giuseppe Conte është i kënaqur me dekretin: “Ministri Di Maio e kishte parashikuar këtë iniciativë, mbi të cilën qeveria kishte punuar për ca kohë.Është një hap i shkëlqyeshëm përpara sepse do të na lejojë të ndërhyjmë në një temë në të cilën ne gjithmonë kemi qenë në defiçit në Itali. Do të jetë një pikë kthese e madhe për të shpejtuar riatdhesimet “.
Di Maio: “Ne i përshpejtojmë procedurat” – Ministri i Jashtëm shpjegoi se “7,000 emigrantë të mbërritur gjatë këtij viti në Itali i përkasin këtyre vendeve. Për shumë nga këta njerëz duhet të presim dy vjet. Tani, për më shumë se një të tretën e emigrantëve përshpejtojmë procedurat “.
“Fondi i riatdhesimit mund të arrijë 50 milion euro” – “Fondi i riatdhesimit, i cili mund të arrijë deri në 50 milion euro, duhet të implementohet. Sot është në shifra të papërfillshme, 2-4 milion euro”, tha ministri i Jashtëm , duke shtuar se “nuk është fondi për të paguar kostot e riatdhesimit, por fondi që na lejon të zbatojmë marrëveshjet përmes projekteve të bashkëpunimit të zhvillimit”.
