Pak kohe pas arrestimit te vellait te tij nga policia, pezullohet nga detyra shefi i qarkullimit rrugor në Dibër, Robert Aga.Lajmin e ben me dije “News 24”, nderkohe qe kujtojme se vëllai i shefit te qarkullimit, u arrestua nga policia ne nje operacion te funalizuar se fundi, me akuzen për trafik droge. Policia e Shtetit organizoi një operacion kundër trafikut të lëndëve narkotike dhe sot doli me një deklaratë zyrtare.
Në informacionin e Policisë së Shtetit, thuhet se midis të arrestuarve është edhe P. A., 51 vjeç, banues tek ish-stacioni i Trenit, Tiranë, i dënuar më parë për veprën penale “Prodhimi dhe shitja e narkotikeve” kryer në bashkëpunim.Por “Panorama” raportoi dje se ai quhet Pajtim Aga dhe është vëllai i zyrtarit te policise ne Dibër, Robert Aga. Emri i Robert Agës u përfol jo pak vitin e shkuar për shkak se doli në përgjimet për blerjen e votave në bashkinë e Peshkopisë në votimet e shatorit të 2016-s, të publikuara nga gazeta gjermane, “Bild”.
Shefi i policisë, Robert Aga dëgjohet duke folur me ish-ministrin Damian Gjiknuri, deputetin Xhemal Qefalia, Ulsi Manjën dhe ish-ministrin Saimir Tahiri, ku këtij të fundit i thoshte midis të tjerash: “Jam ushtari jot” Ndërsa vëllai i tij, Pajtim Aga njihet si biznesmen në qarkun e Dibrës, ku prej disa vitesh ka hapur një televizion kabllor, ndërsa problemet e tij me policisë janë të hershme. Më 25 shtator 2016, Pajtim Aga u arrestua nga Policia e Lezhës pasi iu gjetën 320 gramë kokainë, 10 ditë pas telefonatës që vëllai i tij, Robert Aga kishte shkëmbyer me ish-ministrin Tahiri.
Dy vite më vonë, në 2018-n, Aga humbi në mënyrë misterioze të birin, Mateon. 21-vjeçari u zhduk pa lënë gjurmë nga fshati Maqellarë, pak kilometra nga qyteti i Peshkopisë. Familjarët thanë në atë kohë djali mund të jetë rrëmbyer dhe që prej atij momenti nuk dihet asgjë për fatin e tij.
