Renato Myrtaj, djali i Faik Myrtajt i cili u vra gjatë demostratës së 21 janarit gjatë një deklarate për mediat u shpreh se drejtësia do vonojë por do të vendoset.
Ai tha ndër të tjera se Rama ka punuar për një drejtësi që nuk ka zbardhur asgjë.
“Duhet të rihapen hetimet, nuk është një cështje pa autor. Im atë po të ishte gjallë do të kishte të njëjtat bindje që ka patur. Apeli jonë është të vendoset drejtësi, pavarësisht se nuk është aq e lehtë të vendoset,” – u shpreh ndër të tjera Renato Myrtaj.
Ai shtoi se vetëm Gjykata e Strasburgut e ka në dorë rihapjen e hetimeve.
